ဘဲတစ်ကောင်ရဲ့ဟာသ

☼... လှိုင်းလုံးကြီးတွေ ရိုတ်ခတ်ဖန်များလာခဲ့တော့    ငါ့အမွေးတောင်ပံ၊ ငါ့ခြုံလွှာတွေ ရော်ရင့်လို့ အရင်လို တောက်ပြောင်မှု မရှိတော့ဘူး ။ 

☼... လှိုင်းလုံးကြီးတွေကြား ကူးခတ်ဖန်များလာခဲ့တော့    ငါ့ခြေထောက်တွေ စုတ်ပြဲလို့ လှိုင်းကြီးတွေကို ကျော်ဖြတ်အန်တုဖို့ မစွမ်းနိုင်တော့ဘူး ။ 

 ☼... လှိုင်းတွေလည်းကြမ်း သမုဒ္ဒရာအလယ်ကိုလည်း ရောက်နေခဲ့တော့    ငါခိုနားရမယ့် ကမ်းစပ်ရယ် အရမ်းဝေးလွန်းလို့ လှမ်းတောင်မမြင်နိုင်တော့ဘူး ။

 ☼... မွေးရပ်ရေမြေကနေ လှပတဲ့အိမ်မက်တွေမက်ရင်း ထွက်ခွာလာခဲ့တော့   အခုလိုညစဉ်တိုင်း နှိုပ်စက်တဲ့အိမ်မက်ဆိုးတွေရယ် ခြောက်ခြားလွန်းလို့   အေးအေးချမ်းချမ်းမအိပ်နိုင်တော့ဘူး ။ 

 ☼... အပေါင်းအဖော်တွေနဲ့ ဝေးကွာ တစ်ကောင်ထဲနေခဲ့တော့ ငါ့အပေါင်းအဖော်တွေလှမ်းတွေ့တဲ့အခါ  နှုတ်ဆက်ရမယ့်ငါ့ဘာသာစကားရယ် 

နှုတ်ဖျားကတောင်ထွက်မလာနိုင်တော့ဘူး  ။ 

 ☼... တစ်ကောင်ထဲနေရဖန်များလာခဲ့တော့  လေလှိုင်းကြားထဲက   မေမေ့အသံတောင်မှ   နွေးထွေးမှုကို မခံစားမိနိုင်တော့ဘူး  ။ 

 ☼... တစ်ကောင်ထဲနေခဲ့ရဖန်များလာခဲ့တော့    အပေါင်းအဖော်တွေကိုသတိရတိုင်း ငါ့ရှေ့က ခလုပ်ပါတဲ့ မှန်သားပြင်ပေါ်မှာ ရှာဖွေနေမိတာ  ကြာလာတော့ ငါချစ်တဲ့ ငါ့အပေါင်းအဖော်တွေကို  သူတို့တတွေရှိနေတဲ့  မှန်သားပြင်ကြီးလောက်  သံယောဇဉ်မရှိလေတော့ဘူး  ။

 ☼... အရပ်လေးမျက်နှာ မက ကောင်းကင်ပေါ်ကပါ  ငါးဘက်ငါးတန် ရေတွေစီးဝင်ကြတော့    အခုငါကူးခပ်နေတဲ့ရေပြင်ဟာ  ငြိမ်သက်မှုတွေ စိုးစိငယ်မျှကို ဘယ်လိုမှမရှိနိုင်တော့ဘူး  ။ 

 ☼... မောပန်းနွမ်းလျှစွာ ကူးခတ်ဖန်များလာတော့မှ    စိမ့်စမ်းရေတွေနဲ့ တည်ငြိမ်လန်းဆန်းနေတဲ့  ငါ့ရဲ့မွေးမြေ ကန်ရေပြင်ငယ်လေးဆီ  အပြေးပြန်  ကူးခပ်ချင်ပါပြီ   ။ 

 ☼... သြော် ....  တောင်ပံကျိုးပဲ့  ခြေထောက်ရယ်ကျိုးပဲ့နေပြီ  ဒီဒဏ်ရာ အနာတွေရယ် ကုလို့မပျောက်နိုင်ပြီမို့  သေရမယ်သာ လွတ်လမ်းမမြင်တော့ ။ အထိအရှ ဒဏ်ရာတွေနဲ့   မေမေ့ရင်ခွင်မှာ ထာဝရ အိပ်တော့မယ်  ။

 ☼... သြော် .... ငါ့ခမျှာ ရီစရာပဲ ... ချစ်သူပျော်ရွှင်နေတဲ့နေ့မှာမှ ....  ချစ်ကြသူများရဲ့နေ့  ၊ သူတို့တွေ ပျော်ပါစေကြောင်းတောင်းဆုပေးဖို့ စကားလုံးမဲ့ပြီကော ။  ...... ။

ရက်သေ နှင်းဖုံး နောင့်နှလုံးအိမ်

အဏုမြူလက်နက် စွမ်းအင်ထက်လည်း
    မဖက်ပြိုင်ရာ စိတ်ကသာ၏
   လျှပ်ဝါမိုးကြိုး  လျှင်တန်ခိုးလည်း
   တူနိုင်းဆိုင်လာ  စိတ်ကသာ၏
   ထွေထွေစွမ်းခြင်း ထိုစိတ်မင်းလည်း
   နှလုံးစေရာ သူ့ဆီသာသို့

   သည်ချစ်မေတ္တာ ၊ စမ်းရေပမာ နှင့် ၊ ပမာနိူင်းဆို မပြောလိုဘူး ၊ ထိုစမ်းရေမှာ ခန်းတတ်လို့ ။

   မဟာသမုဒ်  နက်လှဟုတ်လည်း
   မယုတ်မှန်စွာ  စိတ်ကသာ၏
   ၀ါယောအနှံ့   ပျံ့ သည်ထက်လည်း
   ကဲတက်သင်္ချာ  စိတ်ကသာ၏
    ထွေထွေစွမ်းခြင်း ထိုစိတ်မင်းလည်း
   နှလုံးစေရာ သူ့ဆီသာသို့

   သည်ချစ်မေတ္တာ ၊ လစန္ဒာနှင့် ၊ ပမာနိူင်းဆို ၊ မပြောလိုဘူး ၊ ထိုစန္ဒာ တိမ်လွှာ လွှမ်းတတ်လို့ ။

   မဟာပထ၀ီ  လေးသည်ထက်လည်း
   စီးသည်ချိန်မှာ  စိတ်ကသာ၏
   စွမ်းပါဘိခြင်း  သည်စိတ်မင်းလည်း
   နှလုံးစေရာ သူ့ဆီသာသို့

   သည်ချစ်မေတ္တာ ၊ ပန်းရွှေကြာနှင့် ပမာနိူင်းဆို ၊ မပြောလိုဘူး ၊ ထိုပန်းရွှေကြာ နွမ်းတတ်လို့ ။

   လူရည်ညံ့ညံ့  ငကြောက်ရွံ့ ၏
   နောက်တွန့်စွဲသုံး  သည်းနှလုံးဝယ်
   အရှုံးကိုပင်
   ပေးချင်ဆက်ဆက်  ဦးခေါင်းဝှက်သည်
   ငှက်ကုလားအုပ်  မှိုင်ကုပ်ကုပ်တည့် ။
   နေမင်းအရှိန် နှလုံးအိမ်ဖြင့် ၊ နှင်းပွင့်ဝေသီ ချစ်ကျွန်းဆီသို့

   အပူရုပ်နှင့် လွှမ်းအုပ်ကာဆို ၊ မသွားလိုဘူး ၊ စနိုးရုပ်ကလေး အရည်ပျော်မှာစိုးတတ်လို့ ။

။။။

 ။

ရေဆန်အလှဆီ..

ဘဝဆိုတည်း ၊ ထိုလှေကြီးကို 

 မိုင်နှစ်ဆယ်လုံးလုံး ၊ ဖရီးသုံးကာ 

မျောကာစုန်ဆင်း ၊ လှော်ခတ်ခြင်းမဲ့ 

 အကွေ့အကောက် ၊ ဒိုက်ပုံတောပုံ 

 ရွှံ့အိုင်အစုံ ၊ ရေမှော်တောကြား 

 ရောက်သော်ငြားလည်း ၊ လှေလှော်တက်မ 

 တစ်ချက်ကယ်သော် ၊ ငါမလှော်ခဲ့မိဘူး...။ 

 ခုများကျသော် ၊ ဘဝရေဆန် 

 မာယာခက်ထန် ၊ ခရီးဆန်မှ 

 ရေစုန်တုန်းက ၊ မှတ်သားမဲ့စွာ 

 သတိမပါ၍ ၊ လမ်းပျောက်လုလု 

မှန်းရမ်းအန်တု ၊ ခရီးအခုမှာ 

 အားကုန်စိုက်ထုတ် ၊ တွန်းထိုးကုတ်ခဲ 

 ချွေးသံရဲရဲဖြင့် ၊ အတင်းလှော်ခတ် 

 ဆန်တက်အပ်လည်း ၊ ရွက်ကယ်မနိုင် 

 တက်မခိုင်တော့ဘူး ၊ လှေအိုယိုရွဲ့ 

 ဖာတရာထေး ၊ ယဲ့ယဲ့လေးဖြင့်  

 မနိုင်သည့်ဝန် ၊ လွင့်ကာသွန်လို့ 

 ရေဆန်အဆုံး ၊ လှော်ရအုံးမည် ...။ 

 နှလုံးတည်ရာ ၊ မှန်းမြင်ကာဖြင့် 

တစိုက်မတ်မတ် ၊ မလှော်ဝံ့ပြီ 

 ကွေ့သင့် ကောက်သင့် ၊ ကျန်တာမြင်ထား 

 ငါ့အိမ်မက်မှာ ၊ (ငါ)တွေသာများရင် 

 ရေဆန်လှော်သား ၊ ခရီးဆုံးမှာလား 

 ........

 ရွက်အိုတစ်ရွက် ၊ တက်တိုတစ်လက် 

 ခုများငါ့ဆီ ၊ ကျန်နေသေး၍ 

 ရေဆန်အလှဆီ လှော်ရအုံးမည် ။

 ရွက်အိုဘယ်တော့  တပ်ရပါ့ ၊ 

 တက်တိုဘယ်တော့  ခတ်ရပါ့ ၊ 

 ပဲ့ကိုင်မှာဘယ်တော့  ရပ်ရပါ့ ... 

 သြော် ...... 

 ခရီးတော့ ...  တစ်ဝက်ကျိုးပြီ ထင်ပါရဲ့လေ ... ။

ရေခြံမောင်

ရေပြင်ထက် မျောလွင့်ရာ    ကျွန်းဆီ  

 ညင်သာတဲ့ လှိုင်း နဲ့အတူ   မောင်လှမ်း 

 ပီတိဖုံး အပြုံးကို ဆင်မြန်းလာ 

ရောင်နီဦး အရိပ်က    ဖြာဆင်း 

မျှော်ငေးကြည့် ကြည်နူး       မျှော်ငေးရင်းခံစား 

 ရင်မှာပီတိ  အလင်းတန်းတခုထက်  ပိုမရည် ရွယ် 

 ရေခြံခင်း   ပန်းပေါင်းစုံ    ဝေသီ  

လေလာခိုက်  ယိမ်းနွဲ့ကာ  ပျော်မြူး 

 လည်တိုင်လေး စောင်းငဲ့   ယိုင်လဲကာ 

မောင်လာတဲ့ လမ်းလေးဆီ မျှော်မှန်း 

မင်းတို့စောင့်မျှော်လေတော့     သခင်မအားစောင့်လင့်ကြိုတော့ 

 မယ်သခင်မ ဆန္ဒ ပြည့်ဖို့ထက်   ပိုမရည်ရွယ် 

လေပြေထဲ  ပျံသန်းကာ မောင့်ဆီ 

ကုဋေတန်တဲ့  ခြေလှမ်းနှင့်အတူ မယ်လှမ်း 

ရင်ခုန်တဲ့ စည်းချက်တို့  ပြိုလဲကာ 

ကြာဖြူတပွင့်  ကမ်းလင့်လို့ မောင်ပေး 

မင်းလှစေဖို့  မင်းလှစေတော့ 

ရင်မှာ ဒီဆန္ဒ တခုထက်   ပိုမရည်ရွယ် 

 ပန်ဆင်လိုက် မင်းအတွက်  ဒီပန်းတွေ 

ဆံနွယ် နဲ့ ထုံးဖွဲ့နှောင်လို့ 

 ထာဝစဉ် အမြဲ  မွှေးရနံ သင်းစေ 

 ကြည်လင်လန်းဆန်း   နွမ်းမသွားစေဘူး 

 နူးညံစွာခံစား     မင်းလှစေသား 

 တကယ်ပါ   ဒီ ဆန္ဒ တခုထက်  ပိုမရည်ရွယ် 

 ကြာတိုင်ရိုး   ဆစ်ကာ  ကြိုးသီ 

 ကြည်လင်တဲ့ အပြုံးနဲ့  ဆင်ပေး 

လည်တိုင်ထက်  စမ်းရေတစက်  ယိုစီးလာ 

 ငွေလမင်း  အရိပ်က  ဖြတ်သန်း 

 နူးညံစွာ ခိုနား   အိမ်မက်လှစေသား 

 ယုံကြည်မူ့  တခုထက်  ပိုမရည်ရွယ် 

 ပန်းမွှေ့ရာထက်  အိပ်စက်ပါ   ခန်းဆောင်မှာ

 အပူအပင်ကင်း  မမောပန်းစေဖို့ 

သာယာလှပတဲ့    ရေခြံလေးမှာ 

 တံတိုင်းပန်း  ခြံခတ်လို့  နွေးထွေးစေပြီး 

 မယ်  စိတ်ချနေလေတော့    ပန်းများပွင့်စေဖို့ 

 တာဝန်တရပ်   ထမ်းရွက်ဖို့ထက်   ပိုမရည်ရွယ် 

  ဝိုးတဝါး ကဗျာ တပိုင်းတစ 

ဒီ ရေခြံလေးမှာ  ကျကျန်ရစ်သော်

 ပန်းများအရှင် မယ်သခင်  သိစေ 

အရောင်မစွန်းထင်   သံယောဇဉ်ဟု......

ရက် သေ

အမည်းရောင်ရိုက်ချက်များနဲ့ငါ့ကို     အနီရောင်မိုးကောင်းကင်ဆီမှ 

 ကမ္ဘာမြေပေါ်ပြိုလဲကျစေခဲ့ပြီ

 နွေးထွေးတဲ့     နောက်ဆုံးမျက်ရည်စတွေကို  

 ငါ့လက်ထဲမှာတင်းတင်းဆုပ်ကိုင်ထားရင်းနဲ့ရယ် လေ

 မြေပြင်ပေါ်ပြိုလဲကျတုန်း  အနီရောင်ရဲ့အပိုင်းအစတွေနဲ့ 

အချိန်တွေလောင်ကျွမ်းအပြီးမှာ

 အဖေဆီကအမွှေရလိုက်တဲ့   ဒီလောကကြီးကို  ငါမုန်းတီးတတ်လာခဲ့ပေါ့ 

 အဝေးဆုံးကငါ့ဆီလွင့်ပျံလာဆဲ    ရိုင်းစိုင်းတဲ့နေ့ရက်များမှာ 

  နာကျည်းခြင်းအပြည့်လောကလူသားတွေက   ငါ့ကိုသားကောင်ပမာ 

ငါ့ ကံတရားရဲ့မျက်နှာမလှပနိုင်မှတော့ 

 ပင်လယ်ပြင်ကျယ်ကြီးထဲမှာ  ငါသက်ပြင်းရှည်ကြီးသွားချလိုက်တော့မယ် 

တဖြည်းဖြည်းနဲ့နီးလို့လာတဲ့  အေးစက်စက်ခေါင်းလောင်းသံဟာ 

 အရာရာကိုဖောက်ခွဲခဲ့လို့ 

ငါ့နှလုံးသားနဲ့အစာအိမ်တို့ရဲ့တောင်းတမူ့ကို ဖြည့်ဆည်းဖို့မလွယ်မှတော့ 

ကမ္ဘာမြေရဲ့နောက်ဆုံးနေ့ဆီသို့ငါလှမ်းတော့မယ် 

 ကွယ်နေတဲ့မျက်လုံးတွေနဲ့  ငါ့ကိုကြည့်ကာ အပြစ်ဖွဲ့ခဲ့လို့ 

 မိုး အက်ကွဲကြောင်းများ     အရှိန်အဟုန်နဲ့ပြင်းစွာ 

အဖြူရောင်ရေစီးများအဖြစ်စီးစေဖို့

ညိုးနွမ်းနေတဲ့  ငါ့စကားသံနဲ့ သီချင်းတပုဒ်ရေးဖွဲ့လိုက်တာ 

 ဥစ္စာမဲ့စွာ  ငါ့ရင်ထဲမှာ  အထီးကျန်ခြင်းနဲ့သာကျန်တော့တာ 

ကောင်းကင်ရဲ့အစွန်းက  ငါညီးငြူ အော်ကာပြိုလဲကျခဲ့တဲ့  

ဒဏ်ရာအပြည့်တွေနဲ့ ဒီညမှာ    ငါသေသွား  ဘာထူးအုံးမလဲ  

အားလုံးနဲ့အဆုံးသတ်မယ်ဆိုမှ      အဆိုးများကဟားတိုက်ရီနေတာ

 ကြိမ်စာတွေသင့် ငါ့အဖြစ်ရယ်လို့ 

 ဝမ်းနည်းပက်လက်  ခွန်အားမဲ့နေသူရယ်လေ 

တဖြည်းဖြည်းခြင်းနီးကပ်လာတဲ့  အဆုံးသတ်ချိန်ထိတိုင် 

အမှန်တရားကို  ငါငြင်းပယ်  အရွှဲ့တိုက်ချင်နေမိတယ်

 အကြိမ်တိုင်း  ငါ စားသုံးနေကျ      အသိခက်တဲ့ ပုစ္ဆာတွေ ၊

အလိုဆန္ဒတွေပြင်းပြတဲ့ ကစားဝိုင်းရဲ့  အညစ်အကြေးတွေ ဟာ

ကြမ်းတမ်းတဲ့လက်တစုံလို   ငါ့ရဲ့ စောင်းကြိုးကို ဖြတ်တောက်လိုက်တာ

အရာရာဟာ ပြီးပြည့်စုံစွာ ပျက်စီးသွားပြီကော

 နူးညံသိမ်မွှေ့ရုံ  မျက်ဝန်းတစုံရယ် 

 လှပသေသပ်ပန်း  သွေးနုတ်ခမ်းရယ် 

ရွှေရောင်ချယ်ထား   ငွေအရေပြားရယ် 

ငါမက်မောခဲ့ဖူးပြီးခဲ့ပါပြီ ။

သံယောဇဉ်ကြိုး

ငါ့ခရောင်းလမ်းငါတိုး  

 ငါ့နှင်းဆီငါပျိုးခဲ့တာ  

ငါကဆိုးသတဲ့လား။

 ငါ့အချစ်လမ်းငါသွား 

 ငါ့သံယောဇဉ်ငါထားခဲ့တာ

 ငါကမှားသတဲ့လား။ 

ငါ့မှိုင်း ငါမိ 

 ငါ့အသိငါရှိခဲ့တာ 

 ဘာသတိမှမလို 

 ငါ့စိတ်ငါသိလို့ 

ငါ့အချစ်နဲ့ ငါမောတာ 

 ငါအလွယ်ပြောတယ်လို့ 

 မင်းထင်စရာမလို  

မင်းလမ်းကိုငါသွား 

 ငါ့လမ်းကိုမင်းလျှောက် 

ဘာမှတွေးကြောက်စရာမလို 

 ငါ့ကိုယ်ငါဒူးထောက်

 မင်းရှေ့မှာရောက်နေလို့

မင်းခေါင်းငုံခိုင်းလည်းရတယ် 

မင်းစိတ်ကိုငါသိလို့ 

သံယောဇဉ်ငါဖြစ်မိတာ 

 စောလွန်းတယ်မဆိုလို

 မင်းလမ်းမင်းသွားလို့ 

ငါ့တည်းထဲဘဲကျန်လည်း 

 ငါ့အမှား  မင်းအမှန် 

အယူခံမလိုဘူး ။

မယ်...ဖြေပါကွယ်

သံယောဇဉ်တွေယှက်နှော      အချစ်ရဲ့သဘောဆိုတာ

မယ် ဘယ်လိုဖြေမလဲ      နောင့်  စိတ်မနောကပြောကြည့်မယ်

 မယ် နားလည်ဖို့ရွှယ် 

အမှားဘယ်လောက်နဲ့များ     အမေးပုစ္ဆာဖြေရှင်းကာထားမှ 

 အမှန်တရားတွေရဲ့အား     နောင့်  ကိုယ်တွင်းမှာ များနိုင်မှာလဲကွယ် 

သစ္စာတူယှဉ်ကာ     ချစ်ကြရာသောအခါရယ် 

 တဦးနဲ့တဦးခွင့်လွှတ်ခြင်းများနဲ့သာရယ် 

 ချစ်အဓိပ္ပါယ်     ခွဲခြားနားလည်မှ   မှန်မယ် 

ခိုင်မြဲစွာ   မယိုင်မလဲကာ     ပိုင်မြဲနေမှ 

 သစ္စာရယ်  မပြယ်တယ်    ရာသက်လုံးဖို့ကွယ်  

အချစ်ရယ်       အမုန်းရယ်   

အပြစ်ရယ်      အရှုံးရယ်ဟာတကယ် 

 သံသရာနယ်မှာ     အဖန်တရာကျယ်စွာ 

မဆုံတွေ့နိုင်ဘူးကွယ်     ခက်ခဲလှတယ် 

 ဒီအသိတရားနဲ့ရယ်     ယုံကြည်မြဲလေမှ 

 ပျော်ရွှင်မှု့များစွာရယ်      ပိုင်ဆိုင်နိုင်လိမ့်မယ်....မယ်ရယ် 

 အစဉ်တွဲကာ   နွဲပါ    မခွဲချင်တယ် 

 အချစ်စိတ်နိုမ့်ပါးခိုက်ဝယ်     ပျားတကာတဖွယ် 

ချိုမြခြင်းကြီးစွာနဲ့ရယ်      ခွင့်လွှတ်စေချင်တယ် 

 မုန်းပြန်ရင်တော့လည်း     အချစ်ရဲ့အကျိုးပါစေကွယ် 

 အမြစ်လိုဘဲ   တစ်ဆစ်ပိုကဲ   ကုတ်တွယ်လျှက်ပါဘဲ 

 မယ့်  အလိုသဘောနဲ့ရယ်     မတွေးယူလေပါနဲ့ ...မယ်

 ခါးတမာနှယ်     ပေးကာကူနေမတဲ့လားကွယ် 

 ချစ်မပြေနိုင်တယ်     သူခိုင်းစေသမျှမှာရယ် 

 နောင့်   ကျင်လည်နေရပါလိမ့်မယ် 

 ဘယ်လောက်အမုန်းတွေနဲ့များ     နောင့်   စစ်စီရင်ခင်းကာထားမှ 

 မယ့်  အချစ်စစ်တွေရဲ့တရား     နောင့်   ရင်တွင်းမှာထားနိုင်မှာလဲ...မယ် 

 မယ်  ဖြေလှည့်ပါကွယ်။ 

 စာကြွင်း။     ။ သုံးနှစ်လောက်အချိန်ယူထားရတဲ့ ဒီစာသားကို  သုံးမိနစ်ရဲ့တဝက်လောက်နဲ့  

ပြီးစလွယ်မဖတ်ပါနဲ့လား...မယ်ရယ်......... :D ..။

နွေ အ လွမ်း

 

........................မျက်နှာချင်းဆိုင် မြင်နေရတာ   ဟိုး..အဝေးက     နီညိုတကွက်၊ ဖြူတကွက် နဲ့ရယ်

မနိုမ့် မမြင့် အဲဟိုတောင်တန်းကြီးကို ဘာရယ်လို့မဟုတ်ပါဘဲ တော်တော်ကြာကြာ ငေးကြည့်မိပြီးသားရယ်။

သူ့အလှက စိတ်ကို မဖမ်းစားနိုင်လေတော့   ကြည့်နေရက်နဲ့ဘဲ    မမြင်တချက်   မြင်တချက် ရယ်လေ။

အဲဒီအခိုက်အတန့်မှာရယ်     တချက်ကလေး  သတိဝင်လာတယ်ဆိုရင်ဘဲ 

ငေးကြည့်နေရာက   ကိုယ့်မျက်နှာကို   အတင်းလွှဲလိုက်မိပါရဲ့ ။     မျက်တောင်တချက်ပုတ်အခတ်မှာ    ပျော်စရာကြီးပြင်းခဲ့ရတဲ့ မွေးရပ်မြေဆီက   အငွေ့အသက်ရယ်က ထင်းထင်းကြီးရယ်   တဒင်္ဂံ    လောက်ပါဘဲ  လွမ်းစရာရယ်လေ ။     ...........

............. ........  အဲဒီတုန်းကပေါ့     နွေရာသီ ကျောင်းပိတ်လို့ အဖေ၊ အမေ တို့  မျက်ခုံးလှုပ်နေတဲ့အချိန်          ( ကျောင်းပိတ်ပြီဆိုရင်ဆော့လွန်းလို့လေ :lol: )      အဘိုး က သားကို သူ့ နေတဲ့ရွာ  လိုက်ခဲ့ ဖို့ခေါ်တယ်။  ပျော်လိုက်တဲ့ဖြစ်ချင်းရယ် ။      ပညာရေးရယ်ကြောင့်  မသက်သာလို့တာ  မွေးရပ်မြေနဲ့ ခွဲခဲ့ရတာရယ် ။     သားသား လိုက်မှာပေါ့ ဘိုးဘိုးရယ်  ဆယ်ခါပြန်တောင်  လိုက်ချင်ရဲ့ လို့   ။   ..............

.....................  မြို့ကနေထွက်ခွာလို့     ချောင်းကလေးအဆုံး မှာ    ကျယ်ပြန့်တဲ့ အင်းရေပြင်ကျယ်ကြီးက     သားသားကိုဆီးကြိုလို့ရယ် ။  (ခလေးငယ်ဘဝနဲ့ဆိုရင်တစ်နှစ်တာ ဆိုတာသိပ်ရှည်ကြာခဲ့လေသလားရယ်မသိ )        ရေပြင်ကျယ်ကြီးကိုကြည့်ရင်း    ငါခွဲသွားမိရက်တယ်    နင်လွမ်းများနေလား   ဆိုတဲ့အတွေးမျိုးနဲ့လေ မျက်ရည်ကတစမ်းစမ်းရယ် သားသားငိုမိတာပေါ့။    မော်တော်ဘုတ်  ရဲ့ လှေဦး    ဘိုးဘိုးဘေးမှာထိုင်ရင်း  ဟိုး  ဝိုင်းပတ်နေတဲ့ တောင်တန်းဆီက   စေတီဖြူဖြူလေးဆီမှ   အကြည့်ကိုလွဲဖယ်ရင်း    ဘိုးဘိုးကိုစပ်စုတော့မလို့လှည့်ကြည့်လိုက်တော့   

.....  သားသား ဘာလုပ်ရမလဲဆိုတာသိသွားတယ် ။  ဘိုးဘိုး လိုဘဲ   သား ရဲ့ လက်နှစ်ဖက်ကို 

လက်ဖဝါးချင်းကပ်ခါ    ကြာဖူး လိုပုံသဏ္ဍာန် ဖြစ်အောင်လုပ်လို့   ဟိုးအဝေးက  ထုံးဖြူဖြူစေတီလေးဆီ  

တည့်တည့်မျက်နှာမူရင်း    ဦးခိုက်ကန်တော့ လိုက်လို့ရယ် ။      ဘိုးဘိုးရယ်လေ  ..သာဓု....သာဓု......သာဓု .....  လို့  ပြုံးရယ်စွာနဲ့   သားကို နွေးထွေးစွာဆိုရင်း   သားရဲ့ဦးခေါင်းကို ညင်ညင်သာသာ သပ်ပေးရှာတယ်။

  ဘိုးဘိုးကို  သား အကြာကြီး  ငေးလို့ကြည့်မိတယ် ။   ဇရာရဲ့ နိုပ်စက်မူ့တွေကြောင့်လေ  ဘိုးဘိုးရဲ့မျက်ဝန်းဟာ  ညိုမှိုင်းနေပါလျက်က   သားကိုကြည့်ခါ  သူစကားပြောလိုက်တိုင်း  

သူ့မျက်ဝန်းထဲမှာ  အရောင်တွေလင်းလက်သွားတတ်တာ  သားအမြဲတွေ့နေကျရယ် .... ။  

ဒီရေပြင်ကြီးရယ် ၊  ဘိုးဘိုးရယ်  ၊ သားသားရယ်     ၊ ဒီပျော်ရွှင်ရတဲ့ခံစားချက်ရယ်    တွေကတစ်နှစ်မှာရယ်တစ်ခါရင်းနှီးနေကျ ။         

.................... စားလက်စမုန့်လေးတွေကို     လေပေါ်ပစ်မြှောက်ကာ    သနားစရာဇင်ယော်လေးတွေကို  

အစာကျွေးရင်း   သား   ပျော်လို့မဆုံးဘူး ။   ဟိုဖက်ပြေးလိုက်  လှေဦးကိုပြန်ပြေးလာလိုက်နဲ့    ရေပြင်ပေါ် တက်လာတဲ့  ရောင်စုံ ငါးကလေးတွေကို   ကြည့်ရတာလဲအမော  ။    ခင်စရာကောင်းတဲ့     ရေခြံမောင်    

ဦးလေးရေလုပ်သားတွေကို    လက်ကလေးပြကာပြကာနဲ့   တာ့တာ    နုတ်ဆက်ရင်းပျော်လို့ရွှင်လို့   ။    

လှိုင်းပေါ်မှာ လူးလွန့်နေတဲ့   ဗေဒါ ပင် လေးတွေကို     ဘိုးဘိုး မသိခင်အခိုက်   လှေနံဘေးမှာ 

လက်တဘက်တွဲချကာ   လှမ်းကာလှမ်းကာဆွဲလိုက်နဲ့  အပျော်လွန်  လို့ရယ်ပေါ့ ။  

....................  ဘီလူးချောင်း လမ်းမကြီး ရဲ့  ဟော်ဟိုဖက်မှာ      ဘိုးဘိုးရဲ့အိမ်ကို    လှမ်းတွေ့နေရပြီ ။    

    တိတ်ဆိတ်အေးချမ်း   လှတယ် ။   စုလဲ့ မွန်းရွှန်း တွေနဲ့   ဘိုးဘိုးရဲ့အိမ်ဟာ   သစ်သားတွေနဲ့  

ဆောက်ထားတဲ့  ရှေးဟောင်းအိမ်ကြီးပေါ့  ။ ချောင်းရဲ့အကွေ့အရောက်      ရေပြင် နဲ့ အိမ်အခင်းကြားမှာ မည်းနက်နေတဲ့  ပျဉ်းကတိုးတိုင်ခြေရင်းကို   လှမ်းမြင်နေရပြီ ။          အိမ်ရဲ့အမိုးကတော့   

သက်ကယ်မိုးထားတဲ့ အပေါ်မှာ  ဝါးကပ်ထရံ တွေကိုအကွက်ရိုက်ထား တာ ။  သဘာဝကပေးတဲ့  အဲယားကွန်း      အိမ်ကြီးပေါ့  ။    ချစ်စရာကောင်းတဲ့  ဘိုးဘိုးရဲ့ရှေး အိမ်ကြီးပေါ်မှာတော့    အပြုံးတွေနဲ့ 

ဆီးကြိုနေတဲ့  ဘွားဘွားရယ်လေ   အိမ်ရှေ့  တံခါးဝမှာ   လက်ရယ်လှမ်းထားလို့ ။                             မော်တော် ပေါ်ကနေ 

ဆင်းတာနဲ့  တခါထဲဘဲ   ဘွားဘွားရဲ့လှမ်းထားတဲ့  သူ့ရဲ့လက်ကိုခိုကာ   ရင်ဘတ်ကြီးဆီခိုဝင်             ဘွားဘွားရဲ့ ပါးပြင်ကို  သားသား တအားနမ်းရှိက်လိုက်တော့တာ   ။

 .

.

.

PS..;.  ဘွားဘွားရဲ့ရေးဟန်တွေ  သား  ရေးကြည့်တယ် ။ :lol: ..

XMas တမ်းချင်း

ဒီဇင်ဘာနေ့ ၊ ၂၀၀၉ မှာလည်း

ကိုယ်ရေကံငယ် ၊ ( ဒီဇင် ) ဖယ်သော်

ခမ်းဘုံဘဝ ၊ စိတ္တဇနေ့

တသလွင့်မျှော ၊ အတောမသတ်

ခရစ္စမတ်မှာ ၊ လိပ်ပြာမကပ်ဘူး။

နိမ့်တုံမြင့်တုံ ၊ တနေ့ကုန်ပြီ

ရက်မဟာလည်း ၊ တယောက်ထည်းကိုယ်

နာကျဉ်နှလုံး ၊ မချိပြုံးနှင့်

လမ်းဟောင်းမှာဘဲ ၊ တဝဲဝဲတည်း ။

စာနာသိထား ၊ အသင်အားလည်း

လှိုက်လှဲမေးဖော် ၊ မရှိသော်ကား

ဒီနောင့်ရင်မှာ ၊ အကြင်နာတေး

ငယ်ဖော်လေးအား ၊ သယ်လာပေးသည်

ထားရက် ပစ်ရက် ၊ နေရက်လေခြင်း

ငြူ စူကင်းစေ ၊ ဒီဇင်ဘာတေး

နားဆင်သောတ ၊ ဖြေသိမ့်ကြစေ ။

Music Playlist at MixPod.com

တသလွင့်မိ နောင့်အသိဆီ

ကလေးကဗျာ

လဲပြိုကာရှုံး ၊ အတိတ်ဆုံးချိန်

ဝေဝါးမှေးမှိန် ၊ ကျဆုံးချိန်မှာ

ငါ့လိုပြိုသူ  ၊ မင်းလာထူပြီး

မင်းလက်နှင့်ဆက် ၊ ငါ့အသက်ကို

တပြန်သက်ဝင် ၊ တောက်ပစေရင်း

ငါဆိုစကား ၊ သည်းခံနာရင်း

လရောင်ပမာ ၊ အလင်းပေးရှာ၏ ။
ဤသောကြောင့်

အိမ်မက်တွေခြောက် ၊ လမ်းတွေပျောက်တဲ့

နေ့ရက်ကယ်ဝေး ၊ ကြာနှယ်အေးပြီ ။

ဖန်ဆင်းပေးအပ် ၊ ဘဝမြတ်မှာ

အားငယ်စိတ်ဆွေး ၊ ချန်ကာပြေးပြီ ။

သွေးပျက်ခမန်း ၊ ဆူးပြည့်လမ်းမှာ

မှန်းရည်ပန်းတိုင် ၊ ငါတွေ့နိုင်ပြီ ။

လမ်းဆုံမှာရပ် ၊ မဆုံးဖြတ်စဉ်

မင်းညွှန်တဲ့လမ်း ၊ ငါလျောက်လှမ်းပြီ ။

သို့ပေလည်း

ကြယ်လိုမှိတ်တုတ်တလှည့်တည်း ။

တို့ပေါင်

ဘွားဘွားနင်းဆန့်၊ဆူးပြည့်လမ်းမှာ

မြေးဖို့ဖေးကူ၊ သူပေးထူသော

ကြယ်စင်ကွန်းပတ် (စ်) ၊ထိုဖိနပ်နှင့်

လျားရှည်သွားခက် ၊ လောကနက်ထဲ

မြေးလူမမယ် ၊ ယိမ်းကာသယ်ပြီ

ဘွားဘွားစောင့်လင့် ၊ ကြိုလေမည်လား။

ဘွားဘွားသင်ကြား ၊ ဆိုစကားလည်း

မြေးအဖို့ငှာ ၊ သင်ခန်းစာတည်း

ဘွားမဲ့တဲ့နောက် ၊ ထပ်ထပ်ခေါက်တွေး

တန်ဖိုးလည်းသိ ၊ ကြားချင်မိသည်

အခွင့်တဖန် ၊ ကြုံအုံးမည်လား။

လောကဓံငြိုး ၊ သေလုဆိုးပါစေ

ဘဝနေညီ ၊ သုညဆီမှ

အခြေတိုးမြင့် ၊ ကျန်ကောင်းသင့်အောင်

ခေါင်းမော့ရင်ကော့ ၊ တုပြိုင်တော့သည်

ဇာနည်သတ္တိ ၊ ရှိချင်မိငြား

ဘွားဘွားလိုပြု ၊ တုနိုင်မည်လား။

လွင့်မျှောလှိုင်းထန် ၊ အထီးကျန်တိုင်း

ဘဝဒဏ်ပြည့် ၊ မျက်ရည်စို့တိုင်း

ထည်လဲဒုက္ခ ၊ ဆုံကြုံရတိုင်း

တမ်းတဟစ်ခေါ် ၊ မျှော်မည်သာတည်း

ဘွားဘွားသွေးလို  ရဲပါမည်လား။

ဘွားဘွားအတွက်သားသားရဲ့ဆုပါ။